Stjórnendur íslensku bankanna fá Ig Nóbelinn
Setja bókamerki
Stjórnendur og endurskoðendur föllnu íslensku viðskiptabankanna þriggja og Seðlabanka Íslands hlutu svonefndan Ig Nóbel, grínverðlaun sem vefritið Impropable Research í Harvard háskóla veitir árlega í aðdraganda Nóbelsverðlaunanna.
Íslensku bankamennirnir fá verðlaunin í hagfræði fyrir að sýna fram á að hægt sé að breyta örbönkum í stórbanka á skömmum tíma og öfugt og fyrir að sýna að hægt sé að gera svipað við hagkerfi heilla þjóða.
Meðal annarra verðlaunahafa voru Catherine Douglas og Peter Rowlinson, sem fengu verðlaunin í dýralækningum fyrir að sýna fram á að kýr sem hafa fengið nöfn mjólka betur en nafnlausar kýr.
Donald Unger fékk verðlaunin í læknisfræði fyrir að láta braka aðeins í hnúum annarrar handarinnar í 60 ár til að rannsaka hvort slíkt athæfi leiddi til liðagigtar.
Lögreglan á Írlandi fékk verðlaunin í bókmenntum fyrir að gefa út 50 sektarmiða á nafn Pólverjans Prawo Jazdy, sem þýðir á pólsku: er ekki með ökuskírteini.
Þá fengu Katherine Whitcome, Liza Shapiro og Daniel Lieberman verðlaun í eðlisfærði fyrir að rannsaka hvernig þungaðar konur halda jafnvægi. Seðlabanki Simbabve fékk verðlaun í stærðfræði fyrir að gefa út gjaldmiðil með verðgildi frá 1 senti til 100 billjóna. Loks fengu Elena Bodnar, Raphael Lee og Sandra Marijan verðlaun fyrir lýðheilsu fyrir að finna upp brjóstahaldara sem hægt er að breyta í gasgrímu.
Þingmenn stjórnarflokkanna funda á Þingvöllum
Ísland mun styðja við uppbyggingu í lok stríðs
Trump sekur án refsingar
60 þúsund byggingar taldar í hættu
Vill ekki fresta landsfundi
Hóflega bjartsýn á að samningar náist
Enginn fundur á dagskrá og stefnir í verkföll