Með dótturina í kistu á bílþakinu

Bandarísk 37 ára gömul móðir hefur verið kærð fyrir að stofna lífi dóttur sinnar í hættu. Sakarefnið er að hún ferðaðist með hana í kistu úr pappa sem komið var fyrir á þaki bifreiðar.

Konan, sem er frá borginni Alabama, var handtekin á sunnudag eftir að vitni gerði lögreglu viðvart um hátterni hennar, þar sem hún var á ferð á hraðbraut. 

Að sögn talsmanns lögreglunnar í bænum Alberville bar konan því við, að kistan hafi verið full stór til að komast fyrir inni í bílnum. Og þótt hún hafi notað dóttur sína sem kjölfestu, til að halda kassanum á þakinu, hafi hún  ekki verið í hættu, því hún hafi einnig ólað kistuna niður.

Dótturinni, sem er 13 ára, var komið í vist hjá vandamönnum eftir handtöku móður hennar, sem sleppt var úr varðhaldi í gær.

• 1 blogg um fréttina

Bloggað um fréttina

• Heimir Lárusson Fjeldsted: Stórfréttir utan úr heimi á visir.is: Stinnar júllur - Læri …