Martöð ferðalanganna

Eft­ir fjög­urra daga sólar­frí á Gíbralt­ar voru hjón­in John og Jane Reeve end­ur­nærð á leið heim á leið til Eng­lands. Bil­un í flug­vél, veik­indi farþega og flug­freyju, verk­fall flug­um­ferðar­stjóra og ým­is­legt fleira olli því hins veg­ar að í staðinn fyr­ir þriggja klukku­tíma ferðalag liðu 18 tíma þar til hjón­in komust heim til sín á suður­strönd Eng­lands.

Blaðið Mid Sus­sex Times lýs­ir þessu erfiða ferðalagi. Eft­ir fríið fóru þau á nýja flug­völl­inn á Gíbralt­ar og skráðu sig inn í flug­vél ea­syJet, sem átti að flytja þau heim til Eng­lands. En þá kom í ljós að vél­in hafði bilað og þeim var sagt að þau yrði að fara í rútu til Malága­flug­vall­ar í staðinn.

Eft­ir tveggja tíma bið lagði rút­an loks af stað með rúm­lega 150 aðra farþega. Rútu­ferðin tók rúma tvo tíma og þar var beðið á ný þar til flug­vél­in gat loks lagt af stað. Í ljós kom síðar, að ekk­ert reynd­ist vera að vél­inni í Gíbralt­ar.

En á leiðinni heim yfir Evr­ópu fékk flug­freyja botn­langakast, einn farþegi fékk hjarta­áfall og ann­ar snert af heila­blóðfalli. Því greip flug­stjór­inn á það ráð að lenda flug­vél­inni í Bordeaux í Frakklandi.

Í ljós kom síðan, að fransk­ir flug­um­ferðar­stór­ar voru í verk­falli og vegna þess hve fáir voru á vakt máttu flug­vél­ar ekki fara á loft nema með í mesta lagi 140 farþega um borð. Þess vegna varð að fá 14 sjálf­boðaliða til að dvelja áfram í Bordeaux á meðan hinir héldu áfram heim.

„Flugmaður­inn sagði, að þetta væri flug­ferð frá hel­víti. En ég vor­kenndi farþeg­un­um tveim­ur sem veikt­ust," sagði John Reeve. Þau hjón­in komu loks heim til sín klukk­an 7 um morg­un­inn og höfðu þá komið við á fjór­um flug­völl­um, og ferðast að auki með nokkr­um rút­um og leigu­bíl­um. 

• 1 blogg um frétt­ina

Bloggað um frétt­ina

• Björn Jóns­son: Ha !!!!!!!! Af hverju 140.....