Ósátt við að vera skráð sem Guantánamo

Kona, búsett í Sádí-Arabíu, hefur farið fram á skilnað frá eiginmanninum eftir að hún komst að því að hún var skráð undir heitinu Guantánamo í farsíma hans. Í dagblaðinu Al-Watan kemur fram að konan hafi farið yfir símaskrá eiginmannsins þegar hann gleymdi farsímanum heima.

Hjónin hafa verið gift í sautján ár en í blaðinu er ýjað að því að henni hafi mislíkað að vera líkt við fangabúðir Bandaríkjastjórnar á Kúbu. Leggur blaðið til að hún þiggi bætur frá eiginmanninum fyrir móðgunina og hætti við skilnaðinn.

• 1 blogg um fréttina

Bloggað um fréttina

• Frikkinn: Fangi í Síberíu