Wal-Mart hefur sölu á líkkistum
Setja bókamerki
Bandaríska verslunarkeðjan Wal-Mart, sem er stærsta fyrirtæki í smásöluverslun í heiminum, mun sinna viðskiptavinum sínum fram yfir dauðan, því nú býður fyrirtækið upp á líkkistur.
Verðið er á bilinu 112.000 kr. til 360.000 kr. Þær ódýrari eru úr stáli en sú dýrasta úr bronsi.
Wal-Mart býður viðskiptavinum sínum upp á að dreifa greiðslunum yfir eitt ár vaxtalaust. Kisturnar eru sendar til viðskiptavinanna innan tveggja sólarhringa.
Ljóst er að Wal-Mart býður upp á þjónustu frá vöggu til grafar, en fyrirtækið selur allt á milli himins og jarðar. T.d. barnafatnað og trúlofunarhringa.
Talsmaður keðjunnar segir að takmarkað framboð verði á kistunum til að byrja með. Reynt verður að meta viðbrögð fólks áður en tekin verði ákvörðun um framhaldið.
Fréttaskýrendur segja að nýjasta útspil Wal-Mart muni koma illa við mörg fyrirtæki sem bjóða upp á útfararþjónustu, þar sem smásölurisinn geti boðið upp á lægri verð.
Sumir hafa þó ekki miklar áhyggjur eða eru grafalvarlegir vegna málsins. Þeir benda á að Wal-Mart muni aldrei bjóða upp á þá persónulegu þjónustu sem sérhæfðar útfararþjónustur geri.
„Tímabil aukinnar eldvirkni“
Funda með þingflokkum
Bjarni: „Útilokað að þetta geti gengið upp“
Hrikalegt að heyra fréttirnar
„Mér finnst gamla Samfylkingin komin aftur“
Alvarleg netárás á Wise
Lát hjóna í Neskaupstað: Ákæra gefin út
