Mætti í kvenmannsfötum í ræktina

Ekkill sem mætti í líkamsræktarstöð í Hong Kong sem einungis er ætluð konum, klæddur í kvenmannsföt og með skilríki eiginkonunnar, var dreginn fyrir dóm í gær.

Lau Siu-wah, 51 árs, var ákærður fyrir að hafa notað skilríki látinnar eiginkonu sinnar til þess að æfa í líkamsræktarstöð sem konur hafa einar aðgang að á Sheraton hóteli í Hong Kong, að því er fram kemur í frétt The Standard í dag.

Eitthvað þótti starfsfólki Lau grunsamlegur og kallaði lögreglu til. Viðurkenndi Lau fyrir lögreglu að hann hefði notað persónuskilríki konu sinnar til þess að æfa í stöðinni en konan hans lést árið 2007.

Lau mætti í kvenmannsfötum í dómssalinn í gær og með rautt naglalakk. Var málinu frestað þar til í næsta mánuði en honum bannað að nota skilríki konunnar.

• 1 blogg um fréttina

Bloggað um fréttina

• Þórhildur Daðadóttir: Æ, kallgreyjið!