Bónorð réttlæti ekki kynlíf

Dómari í Nýju-Delí hefur varað indverskar konur við því að treysta innantómum lofurðum um hjónaband, eftir að verðandi brúður sakaði ástmann sinn um nauðgun vegna þess að hann sveik loforð sitt um að giftast henni.

Konan taldi að sér hefði í raun verið nauðgað vegna þess að hún hefði aðeins samþykkt að stunda kynlíf með manninum vegna samkomulags þeirra um að þau myndu fljótt gifta sig. Dómarinn sem úrskurðaði í málinu sagði hinsvegar að konan, sem er 23 ára, þyrfti að sætta sig við afleiðingar svikanna.

„Loforðið eitt um brúðkaup ætti ekki að hafa nægt henni til að stofna til líkamlegs sambands við ákærða,” hefur AFP eftir dómaranum. „Það er meginábyrgð konunnar að gæta velsæmis. Kona ætti ekki að kasta sér í faðm karlmanns og gefa sig þannig lauslætinu á vald”

Talið er líklegt að athugasemdir dómarans muni vekja mikla reiðið kvenréttindafólks í Indlandi, ekki síst þar sem nýlega hafa fallið aðrir dómar hliðhollir þeirri skoðun að svikin loforð um hjónaband jafngildi nauðgun.

Fyrir réttinum kom fram að parið hefði stundað kynlíf saman í rúmt ár, í fyrsta skipti á heimili fjölskyldu konunnar eftir að hafa sett lyf í te foreldra hennar til að svæfa þau.

• 3 blogg um fréttina

Bloggað um fréttina

• Axel Jóhann Hallgrímsson: Ástarbrímans fagurmæli
• Sigurður Gunnarsson: Ekki lesið Hávamál.
• Frikkinn: Helvítis tengdó