Of góð til að vinna í banka
Evrur í evrópskum banka.
HEINZ-PETER BADER
Setja bókamerki
Þýskur bankastarfsmaður sem tók það upp hjá sjálfum sér að millifæra fé af reikningum ríkra viðskiptavina bankans yfir á reikninga fátækra, hefur verið dæmdur í 22 mánaða skilorðsbundið fangelsi.
Starfsmaðurinn, sem er 62 ára gömul kona, hefur verið kölluð Banka-Hrói Höttur. Hún millifærði meira en sjö milljónir evra, um 1,3 milljarða króna, í 117 færslum. Dómstóll í Bonn taldi sannað að konan hefði ekki tekið neitt af peningunum fyrir sjálfa sig.
Bankinn skilaði tapi upp á meira en 1,5 milljónir evra þegar fátækir viðskiptavinir hans gátu ekki borgað af yfirdrætti sínum í kreppunni. Konan var einnig sökuð um að hækka yfirdráttarheimildir fátækra viðskiptavina sem strangt til tekið uppfylltu ekki skilyrði þess að fá slíkar heimildir.
Stefnt að afgreiðslu Íslandsbankasölu á vorþingi
„Sársauki okkar er nístandi“
Þykir gott að flóðin féllu
„Ég hef verið kjaftaskur mikill“
Ekki of seint að fá inflúensusprautuna