Óeirðalögregla gætir jólatrésins

Jólatré sem prýðir miðborg Aþenu í Grikklandi verður gætt af óeirðalögreglu allan sólarhringinn þar sem óttast er að það verði skotspónn mótmælenda. Í fyrra var kveikt í jólatrénu í óeirðum sem voru í borginni í desember eftir að lögregla skaut fimmtán ára pilt til bana en hann hafði tekið þátt í mótmælum námsmanna í borginni.

Jólatréð í ár er 15 metra hátt og skreytt fagurlega, samkvæmt upplýsingum AFP frá lögreglunni. Kveikt verður á ljósum trésins í kvöld en það er á Syntagma torgi.

Myndir sem birtust í sjónvarpi í fyrra af trénu í ljósum logum eru meðal þekktustu mynda frá mótmælunum í fyrra.

Óeirðalögregla í Grikklandi er við öllu búin. Reuters

• 1 blogg um fréttina

Bloggað um fréttina

• Einhver Ágúst: Einsog víðar..