Kynlífsleikfang sem ræðir um knattspyrnu

Framleiðendur kynlífsleikfanga ganga sífellt lengra - nú hefur verið sett á markað gúmmídúkka, sem nefnist Roxxxy, og hægt er að spjalla við hana um knattspyrnu. Von er á karlkynsdúkku frá sama framleiðanda og mun hann heita Rocky, nema hvað. Ekki hefur verið gefið upp hvert verður hans sérsvið þegar kemur að samræðum.

Breska dagblaðið Telegraph greinir frá þessu á vef sínum. Þar kemur fram að dúkkan sé dökkhærð og í fullri stærð. Hægt er að fá dúkkuna með fimm mismunandi persónuleikum, segir framleiðandi hennar í samtali við Telegraph.

Þeir sem kaupa dúkkuna geta hannað hana á sinn hátt, til að mynda af hvaða kynþætti hún er, háralit hennar og brjóstastærð svo fátt eitt sé nefnt. Ekki má gleyma því að hægt er að stilla Roxxxy þannig að hún hrjóti.

Er tekið sérstaklega fram í frétt Telegraph að hún geti jafnvel talað um knattspyrnuliðið Manchester United og það skipti máli hvernig hún sé snert hver viðbrögð hennar séu.

Hér er hægt að fræðast nánar um hæfileika Roxxxy og hvað hún kostar

• 2 blogg um fréttina

Bloggað um fréttina

• Ómar Ragnarsson: Golfdúkka fyrir Tiger Woods?
• Lena Ósk: Verslunarferð