Milljónir kínverskra karla í konuleit

Yfir 24 milljónir kínverskra karlmanna á giftingaraldi gætu þurft að sætta sig við einlífi árið 2020 að sögn kínversku félagsvísindastofnunarinnar. Stafar þetta af því að mun fleiri karlar en konur komast á legg í landinu.

Vegna eins barns stefnu kínverskra stjórnvalda og áherslu, sem lögð er á sveinbörn í kínverskum fjölmiðlum, er mjög algengt að konur, sem ganga með meybörn, láti eyða fóstrunum, að sögn stofnunarinnar.

Þetta er einkum tilfellið í sveitum en sónarskoðanir, sem urðu almennar á níunda áratug síðustu aldar í Kína, hafa ýtt undir þessa þróun.

Stofnunin segir, að vegna þessa kynjamisræmis hafi mansal og vændi orðið mikið vandamál í ýmsum hlutum landsins. 

• 1 blogg um fréttina

Bloggað um fréttina

• Sigurbjörg Sigurðardóttir: 24 mijónir.