Mynd af Jesús með bjór vekur reiði
mbl.is/Ásdís Ásgeirsdóttir
Setja bókamerki
Kristnir íbúar Indlands eru afar ósáttir við mynd sem sýnir Jesús með bjórdós og sígarettu í hendi. Myndina er að finna í kennslubók í barnaskóla sem notuð er í norðausturhluta landsins.
Bókin er handgerð og var notuð við kennslu í skóla sem kirkjan rekur í Meghalaya ríki en flestir íbúanna þar eru kristnir. Var bókin notuð til þess að tákna stafinn I í orðinu Idol (átrúnaðargoð).
Eru yfirmenn kirkjunnar æfir út í útgefanda bókarinnar og segja bókina lýsa algjörum skorti á virðingu við trúarbrögðum.
Leitar lögregla nú að eiganda útgáfunnar sem gaf bókina út en hann á yfir höfði sér refsingu fyrir að hafa vanvirt trúartákn. Jafnframt hefur kaþólska kirkjan bannað allar bækur frá útgáfufyrirtækinu og krefst opinberrar afsökunarbeiðni.
Vetrarblæðinga vart í Öxnadal
Foreldrum sagt að heimanám væri verkfallsbrot
„Fólk ætti að fara að öllu með gát“
Selenskí: N-Kórea heyir stríð í Evrópu
Ekkert ferðaveður á Vestfjörðum og á Norðurlandi
Tekur ekki undir orð Ragnars Þórs og Ásthildar Lóu