Kastaði af sér vatni á raflínu

Stjórnvöld í Washingtonríki í Bandaríkjunum telja, að maður hafi látið lífið þegar hann kastaði af sér vatni á raflínu, sem fallið hafði á jörðina eftir bílslys.

Dave Pimentel, aðstoðarlögreglustjóri í Grays Harbor sýslu sagði við útvarpsstöð að fimmtugur maður að nafni Roy Messenger hefði misst stjórn á bíl sínum og lent á rafmagnsstaur sl. föstudag. Messenger slapp nær ómeiddur en bíllinn festist í skurði og Messenger hringdi í ættingja sinn og bað hann um að sækja sig.   

Þegar ættinginn kom á staðinn var Messenger hins vegar látinn og hafði greinilega fengið raflost. Pimentel segir, að Messenger virðist hafa kastað af sér vatni í vegarskurðinn og ekki séð, að óeinangraður rafstrengur lá þar. 

• 2 blogg um fréttina

Bloggað um fréttina

• Ingibjörg Magnúsdóttir: Sorgleg fétt fra Washington - Þú getur lært af mistökum …
• Ómar Gíslason: Heppni eða óheppni