Kanínurnar í barnasjónvarpinu voru frá Playboy

Forsvarsmenn bandarísku kapalsjónvarpsstöðvarinnar Time Warner Cable hafa beðist afsökunar á því, að vegna tæknibilunar hafi myndskeið frá Playboy sjónvarpsstöðinni birst í útsendingu tveggja barnarása í Norður-Karólínu í gærmorgun.

Fyrirtækið segir, bilunin hafi uppgötvað bilunina eftir að foreldrar hringdu og létu vita. Þá hafði útsendingin staðið í um klukkustund og aðra klukkustund tók að gera við bilunina.  

„Okkur þykir þetta mjög, mjög leitt," sagði Keith Poston, talsmaður Time Warner Cable við útvarpsstöðina WRAL. „Þetta var tæknibilun en til allrar óhamingju varð hún á versta tíma og hafði áhrif á óheppilegustu stöðvarnar," sagði hann.   

Fram kemur á fréttavef BBC, að bilunin kom fram á barnarásunum Kids On Demand og Kids Preschool On Demand frá klukkan 6:15 til 8:15 að staðartíma í gærmorgun. Kynningarmyndskeið frá Playboy TV birtust þá efst í hægra horni sjónvarpsins þar sem kynningarmyndskeið fyrir barnaþætti eru venjulega sýnd. Í stað þeirra sáust nú naktar konur töluðu opinskátt um ýmis fullorðinsmálefni. 

• 1 blogg um fréttina

Bloggað um fréttina

• Njörður Helgason: Bryndís nútímans