Kasta klæðum í mótmælaskyni
Setja bókamerki
Flugfreyjur, sem störfuðu hjá flugfélaginu Air Comet, sem nú er gjaldþrota, hafa gripið til óvenjulegra ráða til að vekja athygli á því að þær hafa ekki fengið laun greidd í níu mánuði.
Hafa flugfreyjurnar setið fyrir naktar á myndum, sem nú hafa birst á dagatali. Hefur þetta uppátæki vakið talsverða athygli á Spáni en á myndunum sitja flugfreyjurnar, allt konur, fyrir á myndum við og í flugvélum. Á einni myndinni sést flugfreyja liggja makindalega á þotuhreyfli.
„Við viljum bara leggja áherslu á réttmætar kröfur okkar en við eigum allar inni átta eða níu mánaða laun," sagði Adriana Ricardo, ein af flugfreyjunum, við Reutersfréttastofuna.
Air Comet er í eigu Gerardo Ferran, sem jafnframt er formaður samtaka atvinnurekenda á Spáni. Félagið fór fram á gjaldþrotavernd í desember eftir að breskur dómstóll lagði hald á níu flugvélar í eigu Air Comet að kröfu þýska bankans HSH Nordbank til tryggingar greiðslu skulda.
50 milljónir eiga að minnka svindl um 1 milljarð
Viðræður ekkert þokast frá því á þriðjudag
Hulda saksóknari: „Tökum þetta ekki til greina“
Hótar Bretum og Bandaríkjamönnum
Þarf að koma til móts við ólíkar þarfir lækna
Hentugt gos fyrst gýs á annað borð
Hópur fólks reyndi að komast að eldgosinu
„Höfum sloppið bærilega með skaða af þessu gosi“