Madonna leggur hornstein að skóla

Söngkonan Madonna er komin til Malaví þar sem hún mun vinna að margskonar hjálparstarfi í dag og næstu daga. Hún mun m.a. leggja hornstein að stúlknaskóla sem hún ætlar að byggja þar í landi er verður opnaður árið 2011. 

Með Madonnu í för eru börn hennar Lourdes, Rocco, David Banda og Mercy en þau tvö síðarnefndu ættleiddi söngkonan frá Malaví.

 Þetta er fyrsta ferð Mercy til Malaví eftir að Madonna ættleiddi hana á síðasta ári. Í ferðinni  ætlar Madonna að heimsækja fjölskyldur ættleiddu barna sinna.

„Hún telur mikilvægt að börn hennar þekki sínar rætur,“ segir heimildarmaður.

• 1 blogg um fréttina

Bloggað um fréttina

• Heimir Hilmarsson: Virðir rétt barnanna