Gaf björnunum kökur

Stjórnvöld í Alaska segja, að maður, sem kom fram í heimildarmynd um samskipti við villta birni, hefur játað á sig að hafa gefið björnunum hundamat og smákökur. Slíkt varðar við lög í Alaska.

Í mynd, sem sjónvarpsstöðin Animal Planet sýndi á síðasta ári, sást Charlie Vandergraw, sem er 71 árs, klóra svartbirni á kviðnum og gefa öðrum birni köku. Myndin fjallaði um dvöl Vandergraw í fjallakofa um 60 km norður af Anchorage. 

Samkvæmt samkomulagi, sem Vandergraw hefur gert við saksóknara, játaði hann hluta af ákærunni. Gert er ráð fyrir að hann verði dæmdur í 6 mánaða skilorðsbundið fangelsi og til að greiða sekt á bilinu 20 til 72 þúsund dala.  

Animal Planet

• 1 blogg um fréttina

Bloggað um fréttina

• Gunnar Th. Gunnarsson: Trúverðugleiki fræðslumynda