Refurinn komst í feitt

Ref nokkrum tókst að brjótast inn í dýragarð í Finnlandi og drepa 16 flamingofugla. Frá þessu er greint á vef breska ríkisútvarpsins.

Að sögn forstjóra dýragarðsins tókst refnum að klifra yfir girðingu um umlukti dýragarðinn og lauma sér inn í hóp fuglanna um miðja nótt.

Dýragarðurinn er staðsettur á eyju skammt utan við Helsinki, höfuðborg landsins, og svo virðist sem refurinn hafi gangið yfir ísilagt vatnið út í eyna.

Nú er verið að rannsaka hvers vegna fuglarnir, sem venjulega eru geymdir innivið á næturnar vegna kuldans, voru úti um miðja nótt. Alls eru um 150 dýrategundir í dýragarðinum sem og þúsund plöntutegundir.

• 4 blogg um fréttina

Bloggað um fréttina

• Ólafur Ragnarsson: "fjármálarefir" og raunverulegir
• Þórarinn Baldursson: Refur klifrar yfir girðingu
• Guðmundur Júlíusson: Bragðarefur drap 15 Flamengófugla ?
• Vilhjálmur Örn Vilhjálmsson: Refur komst í bleikt