David Bowie kennt um kreppuna

Búið er að finna óvæntan sökudólg þegar skýringa er leitað á orsökum fjármálakreppunnar, sem gengið hefur yfir heimin síðustu misseri. Það er breska rokkstjarnan David Bowie.

Tímaritið Arabian Business skýrði frá því nýlega, að árið 1987 hafi Bowie boðið upp á svonefnd Bowieskuldabréf, sem þýddi að hann fékk peninga strax með því að veðsetja framtíðarhöfundarréttargreiðslur sínar til tryggingafélags. Það félag seldi skuldabréfin áfram og lofaði 7,9% ávöxtun. 

Fjallað er um þetta á vef Dagens Nyheter í dag. Fleiri listamenn, svo sem Rod Stewart og Iron Maiden, komu í kjölfarið og öfluðu lausafjár með þessum hætti. Þessi aðferð varð síðan almenn í fjármálaheiminum og svonefnd undirmálslán, sem bandarískir fasteignakaupendur gátu fengið, eru angi af þessum meiði. Undirmálslánin voru síðan rótin að fjármálakreppunni.

• 3 blogg um fréttina

Bloggað um fréttina

• Baldur Hermannsson: David skyggir á Davíð
• Einar Þór Strand: Það eru þá bæði Bubbi og Bubbi kóngur! Eða var …
• Kristján Hreinsson: ,,Gvuð er ekki að hlusta á þig"