Tyrkneskt hótel fyrir allsbera

Allsberir ferðamenn geta sólað sig og spókað í Tyrklandi frá og með 1. maí. Þá verður opnað þar hótel sem er sérstaklega ætlað spjaralausum útlendingum. Hótelið er nálægt sólarstaðnum Marmaris á suðvesturströnd Tyrklands. Opnun hótelsins þykir nokkuð byltingarkennd, að sögn dagblaðsins Milliyet.

„Nekt er leyfð innan marka hótelsins, en ekki á almenningsströndum í nágrenninu,“ sagði Ahmet Cosar, bókunarstjóri Adaburnu-Golmar hótelsins í samtali við dagblaðið. 

Sérstök rúta mun flytja gesti hótelsins á baðströnd í einkaeigu þar sem þeir geta orðið albrúnir - án sundfata.

• 4 blogg um fréttina

Bloggað um fréttina

• Riddarinn : Gróða ráð.
• Haraldur Haraldsson: Tyrkneskt hótel fyrir allsbera!!!!!!!
• Þórður Guðmundsson: Ekkert sérstakt svo sem
• Frikkinn: Fyrir knattspyrnumenn