Mök í miðjum tíma

Bandarískum menntaskólakennara hefur verið vikið tímabundið frá störfum á meðan rannsakað er hvort hann hafi látið viðgangast að tveir nemendur höfðu kynmök í skólastofu meðan á kennslutíma stóð.

Málið hefur vakið talsverða athygli í Bandaríkjunum en það kom upp í menntaskóla í Oxnard í Kalíforníu. Verið var að sýna kvikmynd í kennslustofunni og er fullyrt, að stúlka og piltur hafi þá byrjað munnmök. Aðrir nemendur tóku myndir af aðförunum á farsíma sína.  

Móðir eins nemanda í skólanum, sem vinnur í mötuneytinu, segist í samtali við vefinn ktla.com hafa séð myndskeið, sem tekið var á farsíma.  „Þetta er mjög alvarlegt en þeir tóku það ekki alvarlega. Ég minnist þess ekki að hafa séð skjöl, þar sem farið fram fram á að ég þyrfti að þola kynlífssýningar í skólastofunum."

Lögregla segir, að skólayfirvöld hafi frétt af málinu þegar þau voru að rannsaka tilkynningu um einelti.

Frétt KTLA

• 5 blogg um fréttina

Bloggað um fréttina

• Kristján Sigurjónsson: Mök í miðjum tíma
• Heimir Lárusson Fjeldsted: Lifandi kennsla
• Einhver Ágúst: Vá hvað það væru skrítin skjöl....
• Steinn Hafliðason: Áfall
• Ólafur Ragnarsson: "líffræði"