Hergögnin lentu í kálgarðinum

Sænski herinn var í vikunni með mikla æfingu á Skáni. Henni lauk hálf slysalega þegar tonnum af hergögnum var kastað í fallhlífum úr Hercules flutningaflugvél en í stað þess að lenda á Rynkeby flugvelli lentu fallhlífarnar í kálgarði við bæinn Åhus.

Kristianstadsbladet segir, að útreikningar áhafnar vélarinnar hafi greinilega klikkað eitthvað og því var tonnum af hergögnum kastað í kálgarðinn. Sem betur fer var ekkert fólk í nágrenninu.

Tvær fallhlífar lágu á eftir á þjóðveginum í nágrenninu. Sænski herinn hefur hafið rannsókn á hvað gerðist á heræfingunni.

• 1 blogg um fréttina

Bloggað um fréttina

• Sigríður Sigurðardóttir: Nú, bullandi sparnaður...