Kaloríusprengja sem maður hristir ekki af sér

Bandaríska tímaritið Men's Health hefur tekið saman lista yfir 20 verstu drykki í Bandaríkjunum. Á toppnum trónir mjólkurhristingur sem er hvorki meira né minna en 2.010 kaloríur. Það jafngildir því að borða 68 sneiðar af beikoni og 30 súkkulaðibitakökur.

Mjólkurhristingurinn, sem er frá ísframleiðandanum Cold Stone, kallast PB&C Hann er búinn til úr hnetusmjöri, súkkulaðiís og mjólk. Hljómar einfalt. Í honum eru 68 grömm af mettaðri fitu og 153 grömm af sykri.

Í öðru sæti á lista tímaritsins er drykkurinn Peanut Power Plus Grape frá Smoothie King. Einn stór drykkur samsvarar 1.498 kaloríum. Sykurmagnið jafngildir því að borða yfir 20 súkkulaði- og hnetusmjörstykki.

Í þriðja sæti er svo þrefaldur þykkur súkkulaðihristingur frá McDonalds. Þar er um að ræða 1.160 kaloríur. Það jafngildir að borða 13 eplabökur frá fyrirtækinu. 

• 2 blogg um fréttina

Bloggað um fréttina

• Jóhann Elíasson: NÚ SKIL ÉG AFHVERHU OKKUR, MÉR OG BAÐVIGTINNI, SEMUR SVONA …
• Ómar Ragnarsson: Að skoða tölurnar á umbúðunum.