Norður-kóreskur ofurdrykkur
Setja bókamerki
Stjórnvöld í Norður-Kóreu eru sigri hrósandi yfir nýjum „ofurdrykk“ sem á að geta fjölgað heilafrumum og stöðvað öldrun húðarinnar.
Í drykknum eru andoxunarefni og 60 snefilefni sem eru fengin úr rúmlega 30 plöntutegundum. Frá þessu greinir KCNA, sem er ríkisfréttastofa N-Kóreu.
Fram kemur að áhrif drykkjarins séu bæði fyrirbyggjandi og græðandi. Með því að fjölga heilafrumum bæti drykkurinn andlega líðan og hressir upp á minnið.
Þá kemur hann jafnframt í veg fyrir hrukkumyndum og bletti. Drykkurinn magnaði á einnig að geta komið í veg fyrir ýmsa algenga sjúkdóma, s.s. hjartasjúkdóma.
Drykkurinn kemur úr smiðju ríkisfyrirtækisins Moranbong Carbonated Fruit Juice Joint Venture, sem býr einnig til kolsýrða drykki með ávaxtabragði.
Haft er eftir framkvæmdastjóra fyrirtækisins að drykkurinn hafi gefist vel á meðal starfsmanna sem vinna í orkuverum, málmbræðslu og á sjúkrastofnunum.
Þá segir KCNA að kaupsýslumenn, m.a. frá Kína og Þýskalandi, hafi sýnt drykknum mikinn áhuga, þegar hann var kynntur á ráðstefnu í Pjongjang í síðasta mánuði.
Mæðgur dæmdar til að greiða 64 milljónir
Yfir 300 stæði fóru undir hraun
Hótar Bretum og Bandaríkjamönnum
Drónamyndskeið frá hápunkti gossins í nótt
„Má segja að þetta gos hafi þjófstartað“
Myndir: Grindavíkurvegur aftur undir hraun
Mjög alvarlegt ef Njarðvíkuræð gefur sig