Kastaði hvolpi í Vítisengla

Þýskur námsmaður olli gríðarlegri umferðarteppu í Bæjaralandi eftir að hafa reitt Vítisengla til reiði. Hann sendi þeim fingurinn og kastaði svo hvolpi í þá. Já, þið lásuð rétt. Hann komst undan með því að stela jarðýtu.

Lögreglan í Þýskalandi sagði í gær að námsmaðurinn, sem er 26 ára gamall, hefði skilið jarðýtuna eftir á versta stað skammt frá bænum Allerhausen. Það olli fimm kílómetra langri umferðarteppu. Hann flúði heim til sín þar sem lögreglan hafði svo hendur í hári hans.

„Það liggur ekki fyrir hvers vegna hann ákvað að kasta hvolpi í Vítisengla,“ sagði talsmaður lögreglunnar. Hann bætti við að neminn hefði átt við þunglyndi að stríða.

Hvolpurinn er nú í öruggum höndum.

• 3 blogg um fréttina

Bloggað um fréttina

• Ásgrímur Hartmannsson: Alveg hreint magnað
• Sigurður Haraldsson: Fáviti.
• Sigurður Hreiðar: Það hefur verið hundur í honum.