Mína mús til liðs við nasista

Eigandi listagallerís í Póllandi á yfir höfði sér fangelsisdóm vegna veggspjalds sem sýnir Mínu mús nakta fyrir neðan hakakross nasista. Um er að ræða auglýsingu fyrir sýningu sem verður haldin í haust í galleríinu.

Veggspjaldið hefur farið mjög í taugarnar á sumum íbúum bæjarins Poznan en það er hengt upp við hliðina á bænahúsi gyðinga í bænum.

„Fyrir mig er þetta talsvert áfall og jafnvel enn meira fyrir fólk sem man eftir seinni heimstyrjöldinni og einkum og sér í lagi þá sem þjáðust á þeim tíma," segir bæjarfulltrúinn Norbert Napieraj.

Í seinni heimstyrjöldinni var bænahúsinu lokað af nasistum og breytt í sundlaug fyrir þýska hermenn.

Starfsmenn embættis saksóknara grandskoða nú veggspjaldið en verkið heitir Nazisexymous og er eftir ítalska listamanninn Max Papeschi. Ef verkið þykir stuðla að fasisma þá á eigandi gallerísins yfir höfði sér allt að þriggja ára fangelsi.

• 1 blogg um fréttina

Bloggað um fréttina

• Hecademus: Privatizing of symbolism?