Rúblum rigndi í Rússlandi

Rússneskur embættismaður er sagður hafa kastað seðlabúntum út um bílglugga þegar alríkislögreglan veitti honum og yfirmanni hans eftirför. Að sögn rússneskra yfirvalda eru embættismennirnir, sem störfuðu í Mosku, sakaðir um að hafa þegið mútur.

Rússneski fréttaþátturinn Vesti sýndi myndir af því þegar lögreglan safnaði saman rúblum sem lágu á hraðbraut í Moskvu. Fram kemur að Boris Simonov hafi reynt að losa sig við 10 milljónir rúblna þegar alríkislögreglan veitti honum eftirför. Bílferðin endaði hins vegar ill þegar hann missti stjórn á Cadillac-bifreið sinni og klessti á.

Í þættinum var sýnt hvernig rússneskir alríkislögreglumenn voru búnir að handjárna mennina sem lágu á götunni við hliðina á bílnum, sem er sagður hafa kostað sjö milljónir rúblna.

Simonov og yfirmaður hans, Roman Postnikov, eru sakaðir um að hafa þegið mútur frá kaupsýslumönnum sem seldu fiskveiðileyfi í vatnsbólum rétt utan við Moskvuborg.

• 1 blogg um fréttina

Bloggað um fréttina

• Sigurður Haraldsson: Græðgi.