Þóttist vera karlmaður

Héraðsdómur í Hjørring í Danmörku hefur dæmt tvítuga stúlku í þriggja mánaða skilorðsbundið fangelsi fyrir að tæla tvær 13 ára gamlar stúlkur til að hafa við sig kynmök en konan þóttist vera karlmaður.

Fram kemur á fréttavef Nordjyske, að stúlkan, sem kallaði sig Teddy, batt niður brjóstin og notaði gervilim þegar hún fékk stúlkurnar til að hafa við sig mök. Hún var dæmd fyrir að beita tvær 13 ára stúlkur í Hirsthals kynferðislegu ofbeldi fyrir tveimur árum en þær héldu að konan væri karlmaður.

Auk fangelsisdómsins var konan dæmd til að gangast undir geðrannsókn og sæta eftirliti og sálfræðimeðferð verði þess talin þörf. Þá var hún dæmd til að greiða stúlkunum tveimur 15 þúsund danskar krónur í bætur hvorri, um 300 þúsund íslenskar krónur. 

Nordjyske.dk

• 1 blogg um fréttina

Bloggað um fréttina

• Frikkinn: Talandi um perra......