Mörgæs á vappi í Dublin

Lögregla í Dublin á Írlandi rannsakar nú hvernig tókst að ræna mörgæsinni Kelli úr dýragarði borgarinnar í morgun. Fuglinn fannst á vappi í miðborginni í dag.

Talið er að hópur manna hafi brotist inn í dýragarðinn um klukkan 8 í morgun og haft mörgæsina á brott með sér. Að sögn írskra fjölmiðla virðast þeir hafa sett fuglinn í poka og borið hann inn í leigubíl sem þeir stöðvuðu skammt frá dýragarðinum. Þeir sögðu bílstjóranum að kanína væri í pokanum.

Ekki er vitað hvað mönnunum gekk til en talið er að um einhverskonar hrekk hafi verið að ræða. Hvorki lögreglu né stjórnendum dýragarðsins er hins vegar skemmt þótt ekki sé takið að Kelli hafi orðið meint af.

• 1 blogg um fréttina

Bloggað um fréttina

• Sigurður Haraldsson: Friðunarsamtök.