Sænskur „limur“ frá steinöld
Setja bókamerki
Fornleifafræðingar í Motala í Svíþjóð hafa komið niður á merkan fund, sem þeir telja að sé heimsfrétt. Um er að ræða ótrúlega velvarðveittan grip sem talinn er vera um 7.000 ára gamall, eða frá steinöld. Útskorinn eins og karllimur og efniviðurinn líklega horn af dádýri.
Haft er eftir Göran Gruber frá sænsku þjóðminjasafninu að fornleifafræðingarnir hafi ekki efast eina sekúndu um hvaða grip væri að ræða. Form hans og útlit hefði verið einstaklega heillegt. „Limurinn“ reyndist vera 10-11 cm langur.
Gruber telur að um heimssögulegan fund sé að ræða. Þó er vitað um samskonar lim sem fannst um árið í Þýskalandi. Tíðindin um fornleifafundinn hafa borist hratt út og stórir fjölmiðlar á borð við CBS, Fox News og BBC hafa sýnt hinum forna skaufa mikinn áhuga, að því er haft er eftir Gruber á vef Expressen í Svíþjóð.
Alvarleg netárás á Wise
Hrikalegt að heyra fréttirnar
Bjarni: „Útilokað að þetta geti gengið upp“
Auðlindagjaldið hljómar vel
Skattamál verði líklega „þeirra mesta klemma“
Telur sér ekki heimilt að úthluta Helga verkefni
Lyklaskipti í ráðuneytunum