Krýndur „Ungur trúarleiðtogi“

Muhammad Asyraf Mohamad Ridzuan, 26 ára gamall trúfræðingur, varð hlutskarpastur í hæfileikakeppni um „Unga trúarleiðtogann“ í Malasíu. Hæfileikakeppnin hefur farið fram í sjónvarpi og notið gríðarlegra vinsælda og vakið athygli víða um heim.

Keppnin „Ungi trúarleiðtoginn“ leiddi saman tíu keppendur á lokastigi keppninnar sem send var út á besta áhorfstíma sjónvarpsins. Þar kepptu ungumennirnir í að þylja utanbókar vers úr Kóraninum, þvo lík og að slátra kindum eftir helgisiðum múslima. Einnig kepptu þeir í því hverjum gengi best að sannfæra ungt fólk um að halda sig frá kynlífi og fíkniefnum.

Í lokaatrennunni bar Muhammad Asyraf Mohamad Ridzuan sigurorð af Hizbur Rahman Omar Zuhdi, 27 ára trúfræðikennara. Keppnin stóð í tíu vikur og á þeim tíma féllu átta keppendur út.

• 3 blogg um fréttina

Bloggað um fréttina

• Aðalbjörn Leifsson: Trúarleiðtogi.
• Kristin stjórnmálasamtök: Kristnir menn eiga að bera trú sinni vitni í orði …
• Svanur Gísli Þorkelsson: Herra trúaður