Api ættleiðir körtu

Apiynjan Swoozie í breskum dýragarði hefur reynt að taka körtu að sér sem gæludýr.

Swoozie býr í Paignton-dýragarðinum í Devon á Englandi og brá áhorfendum heldur betur þegar þeir sáu hana leika sér við körtuna í marga klukkutíma. Hún reyndi meira að segja að ylja henni og knúsa hana eins og lítið barn.

Sheila Hassanein sem var að njóta dagsins í dýragarðinum sagði: „Apinn var að reyna að koma körtunni úr augsýn og lét eins og þetta væri barn sem hann þyrfti að vernda. Þá reyndi hann líka að strjúka henni eins og til að ylja henni sem er auðvitað fáránlegt af því að skriðdýr eru með kalt blóð. Þetta var mjög skrítið."

Jafnvel þó að kvenapinn hefði sýnt körtunni mikil blíðuhót virtist körtunni ekki hafa líkað dvölin í faðmi ástleitins apans, því hún slapp skömmu síðar.

• 1 blogg um fréttina

Bloggað um fréttina

• Jón Jónsson: þau