Varð fyrir eldingu klukkan 13:13 föstudaginn 13.

Hjátrúin segir, að það boði ekki gott ef 13. dagur mánaðar er föstudagur. Breskur 13 ára gamall drengur telur sennilega að eitthvað sé til í þessu eftir lífsreynsluna, sem hann varð fyrir í gær. 

Breska blaðið Daily Telegraph segir frá því í gær, að klukkan 13:13 í gær, föstudaginn 13. ágúst, hafi 13 ára drengur orðið fyrir eldingu þar sem hann var ásamt fjölskyldu sinni á flughátíð í Suffolk.  

Blaðið segir, að drengurinn hafi fengið lítilsháttar brunasár og verið fluttur á sjúkrahús en muni væntanlega ná sér að fullu.  

Tveir aðrir gestir á flugsýningunni urðu einnig fyrir eldingu þegar þeir voru að horfa á sýningu flugsveitarinnar Rauðu örvanna.  Fólkið meiddist lítið og þurfti ekki að fara á sjúkrahús.

• 3 blogg um fréttina

Bloggað um fréttina

• Axel Jóhann Hallgrímsson: 7 - 9 - 13
• Frikkinn: 13 er bara tala
• Ómar Ragnarsson: Líkindareikningur.