Eistu á diskinn minn

Ferðamálayfirvöld í Serbíu vonast til þess að heimsmeistaramót í matreiðslu á eistum eigi eftir að vera jafn aðlaðandi fyrir ferðamenn og viskí er fyrir þá sem ferðast til Skotlands.

Heimsmeistarakeppnin er nú haldin í Serbíu sjöunda árið í röð og er matreiðslumönnum alls staðar úr heiminum boðið að taka þátt. Skiptir engu af hvaða skepnu eistun eru, allir fá að taka þátt sem vilja og að smakka. Í Serbíu þykja nautseistu herramannsmatur en ekki kemur fram hvort þeir framreiði súrsaða hrútspunga að hætti Íslendinga á Orange-vefnum.

Keppnin hefst þann 27. ágúst og verða úrslitin kunngjörð þann 29. ágúst.  

• 2 blogg um fréttina

Bloggað um fréttina

• Frikkinn: " Herramannmatur"
• Axel Jóhann Hallgrímsson: Væri ekki ráð...