Gleymdi að setja niður hjólabúnaðinn

57 ára gamall flugmaður í æfingaflugi slapp án meiðsla þegar hann gleymdi að setja niður hjólabúnaðinn í lendingu á flugvelli í Kobe, í vesturhluta Japan. „Ég gleymdi að setja niður lendingarbúnaðinn," er haft eftir veitingahúsaeigandanum Yoshihiko Yamamoto úr skýrslutöku lögreglu. Yamamoto hefur verið með flugréttindi frá árinu 1977 og er með yfir 400 flugtíma skráða.  

Hann var að fljúga lítilli, sex sæta Beechcraft flugvél í einkaeigu þegar minnið brást honum svona illilega við lendingu á aðalflugvellinum í Kobe og var hann einn um borð í vélinni.

Flugvöllurinn var lokaður í tvær og hálfa klukkustund eftir lendinguna, sem leiddi til þess að allt að 4 tíma tafir urðu á 9 flugferðum og ferðaáætlanir 1.200 flugfarþega riðluðust.

• 1 blogg um fréttina

Bloggað um fréttina

• Ómar Ragnarsson: Svartur húmor í máltækjum.