Send í fangelsi fyrir lágan buxnastreng

Ung bandarísk kona hefur verið dæmd í fangelsi í tíu daga fyrir þá sök að hafa mætt í réttarsal í stuttum buxum með svo lágan streng að það sást í nærbuxur hennar.

Kimberly Senette, 23 ára, íbúi í New Orleans hafði ekki brotið neitt af sér því hennar eina erindi í réttarsalinn var að hvetja litla bróður, Lawrence Senette, 18 ára, að gera sátt í máli.

En dómarinn, Steve Windhorst,  var afar ósáttur við klæðaburð ungu konunnar og sendi hana í fangelsi fyrir að lítilsvirða réttinn, samkvæmt vefnum Orange.

Fatnaður Senette var í hnésíðum buxum en þær voru svo lágar að aftan að það sást í nærbrók hennar. Þegar dómarinn spurði hana út í klæðaburðinn sagðist hún hafa þurft að taka beltið af buxunum þegar hún fór í gegnum öryggishlið áður en hún kom inn í réttarsalinn. Senette fór hins vegar út úr réttarsalnum í handjárnum og bróðir hennar var dæmdur í tólf ára fangelsi fyrir bílþjófnað og líkamsárás.

• 3 blogg um fréttina

Bloggað um fréttina

• Gunnar Th. Gunnarsson: Smekksatriði
• Einar Karl: Ameríka eða Sádí-Arabía?
• Sigurður Haraldsson: Hér á landi.