Ljón réðist á ljónatemjarann

 Skelfing greip um sig á sirkussýningu í borginni Lviv í Úkraínu þegar ljón réðist á ljónatemjara. Bandarískur ferðamaður náði myndum af atburðinum.

Á myndskeiðinni sem Sky-fréttastofan sýndi sést ljón ráðast á Oleksie Pinko ljónatemjara. Hann fellur til jarðar og reynir í örvæntingu að koma sér út úr hringnum. Annað ljón stekkur til og ræðst líka á Pinko. Starfsmenn sirkusins reyna að verjast ljónunum með stöngum og vatnsslöngum. Um tíma lítur út fyrir að eitt ljón nái að komast yfir girðinguna sem er umhverfis hringinn og inn til áhorfenda.

Pinko var fluttur á sjúkrahús og er líðan hans sögð stöðug. Það var bandaríski ferðamaðurinn Doug Sheperd sem myndaði atburðinn. Hann var þar með konu sinni og tveimur börnum. Hann sagði í samtali við CBS News að sonur sinn hefði sagt við sig eftir á að hann vildi aldrei aftur fara í sirkus.

• 1 blogg um fréttina

Bloggað um fréttina

• Jón Pétur Líndal: Þetta ljón hefur ekki verið vel tamið!!