Sósíalísk fullnæging reitir stjórnmálamenn til reiði
Setja bókamerki
Spænskir stjórnmálamenn hafa harðlega gagnrýnt auglýsingu sem ungir sósíalistar í Katalóníu hafa sent frá sér fyrir komandi heimastjórnarkosningar. Í henni sést kona fá fullnægingu við það eitt að greiða sósíalistum atkvæði á kjörstað.
Gagnrýnin kemur bæði frá sósíalistum og stjórnmálamönnum úr röðum stjórnarandstöðunnar.
Ráðherra jafnréttismála segir að auglýsingin sé blekkjandi, að því er fram kemur á vef breska ríkisútvarpsins. Í henni sést ung kona æsast kynferðislega á kjörstað við það að greiða Sósíalistaflokknum atkvæði í heimastjórnarkosningar í Katalóníu, sem fara fram í þessum mánuði.
Í lok auglýsingarinnar, þegar konan er búin að setja atkvæði sitt í kjörkassann, kemur texti þar sem segir: „Það er unaður að kjósa“.
Alicia Sanchez-Camacho, leiðtogi stjórnarandstöðuflokksins Partido Popular, segir að myndbandið sé árás á reisn og virðuleika kvenna.
Heilbrigðisráðherrann Leira Pajin, sem er í Sósíalistaflokknum, hefur hvatt alla flokka til að sýna konum tilheyrandi virðingu og haga sér á ábyrgan hátt.
„Nánast aftakaveður þegar hryðjurnar ganga yfir“
Íslendingar vanir að klæða sig vel
Lítil snjóflóð fallið og vegum lokað á Vestfjörðum
Máttu ekki auglýsa „mesta úrvalið“ og „besta verðið“
Innanlandsflug liggur niðri
Fundaði með starfsfólki í fjóra tíma í gær
JBT Marel muni einblína á tekjusamlegð
Fjallvegir á Vestfjörðum og víða um land á óvissustigi