Glætu mislagðar granir

Spádómskúnni Glætu, sem spáir fyrir um úrslit leikja Íslendinga í handbolta á vegum vefjarins vol.is, virðast hafa orðið mislagðar granir þegar hún spáði   í leik Íslands og Noregs, sem fer fram á morgun.

Að sögn volverja hefur kýrin spáð rétt fyrir um fjóra fyrstu leiki Íslendinga á HM í Svíþjóð. Glæta notar svipaða aðferð og kolkrabbinn Páll, sem spáði fyrir um leiki Þjóðverja á heimsmeistaramótinu í knattspyrnu sl. sumar. Tveir fóðurdallar eru festir á vegg og annar merktur með íslenska fánanum og hinn með fána andstæðingana.

Í þetta skipti hélt Glæta beint að dallinum sem merktur var Noregi.

• 1 blogg um fréttina

Bloggað um fréttina

• Ómar Ragnarsson: Skjóta Glætu? Glætan!