23 í einum bíl

Tollverðir í Kristiansand í Noregi ráku upp stór augu þegar þeir skoðuðu Chrisler sendiferðabíl sem beið á bryggjunni eftir ferjunni til Hirsthals í Danmörku. Í bílnum reyndust vera 23 hælisleitendur frá Kosovo.

Fram kemur á vef norsku tollgæslunnar að fólkið hafi verið á öllum aldri, af báðum kynjum og í hópnum voru m.a. þungaðar konur. 

„Við höfum orðið vitni að ýmsu skrýtnu í tollgæslunni í Kristiansand en þetta var vægast sagt óvenjulegt," segir  Helge Breilid, skrifstofustjóri tollgæslunnar.

„Við höfum áður fundið fólk, sem hefur falið sig í farangursgeymslum bíla en við höfum aldrei áður opnað bíldyr og séð 23 manneskjur koma út."

Hælisleitendurnir gáfu þá skýringu, að þeir væru á leiðinni í samkvæmi í Danmörku.   

Þarna höfðust 23 manneskjur við. Myndin er frá norsku tollgæslunni.

• 1 blogg um fréttina

Bloggað um fréttina

• Jóhannes Ragnarsson: Það var nú dálítið öðruvísi þegar ég var í Hirtshals.