Drepinn vegna poppkornsáts

Rifrildi um poppkorn í kvikmyndahúsi í í Riga í Lettlandi á sýningu á myndinni „Black Swan“ endaði með því að maður var skotinn til bana. Fór það hversu mikill hávaði skapaðist af poppkornsáti hins látna í taugarnar á morðingja hans.

Lögregla segir að hún hafi handtekið 27 ára gamlan mann sem grunaður er um að hafa skotið 42 ára gamlan kvikmyndahúsgest á laugardagskvöld sem lést síðar af sárum sínum.

Báru vitni að mennirnir hafi deilt yfir hversu hátt heyrðist í þeim sem skotinn var á meðan hann át poppkorn yfir myndinni. Myndin „Black Swan“ er sálfræðitryllir sem fjallar um ballettdansmær sem missir vitið út af álagi á sýningum.

Byssuglæpir eru fremur fátíðir í Lettlandi þar sem aðeins 2,2 milljónir manns búa.

• 2 blogg um fréttina

Bloggað um fréttina

• Anna Dóra Gunnarsdóttir: Kannski aðeins of....
• S i g u r ð u r S i g u r ð a r s o n: Át sá látni poppkorn fyrir eða eftir dauða sinn?