Er kallaður „mannlegi segullinn“

Tæplega sjötugur maður hefur vakið mikla athygli í heimabæ sínum í Serbíu þar sem hann getur fest á sig alls kyns málma.

Miroslav Mandic, sem hefur verið kallaður „hinn mannlegi segull“ varð var við áhrifin ungur að aldri. „Þetta hófst þegar ég var ungur maður og var að reyna að borga fyrir dagblað og skiptimyntin vildi ekki losna af höndinni á mér.“ Mandic segir virknina hafa aukist með árunum og getur hann nú fest á sig peningamynt, hnífapör, síma og straujárn svo dæmi séu tekin.  

Mandic finnur fyrir óþægindum vegna ástandsins en læknar eru sagðir ráðalausir. Hann fagnar þó vinsældunum, en segir eiginkonuna sína ekki vera á meðal aðdáenda öllum stundum. „Konan mín blótar mér í hvert skipti sem ég geng fram hjá útvarpi eða sjónvarpi því þá skiptist ósjálfrátt um stöð.“

• 1 blogg um fréttina

Bloggað um fréttina

• Sigurður Haraldsson: Ekki úr okkar heimi!