Reiður eigandi eyðilagði sportbíl

Kínverji nokkur var orðinn svo pirraður á því hvað nýi Lamborghini Gallardo sportbíllinn hans bilaði oft að hann lét starfsmenn byggingarfyrirtækisins, sem hann á, eyðileggja bílinn með sleggjum.

Að sögn kínverskra fjölmiðla keypti maðurinn bílinn fyrir nokkrum vikum en bíllinn var þá hálfs árs gamall. Bíllinn bilaði ítrekað eftir að maðurinn keypti hann og hvorki bílasalinn né kínverska umboðið fyrir Lamborghini töldu sig bera á því ábyrgð.

Bíleigandinn ákvað þá að vekja athygli á því hve réttindi kínverskra bíleigenda eru lítil og fékk starfsmenn í byggingarfyrirtæki, sem hann rekur, til að eyðileggja bílinn með sleggjum.  Þetta hefur vakið mikla athygli og myndir af bílflakinu hafa farið víða á netinu.

Nýr  Lamborghini Gallardo er metinn á nærri 35 milljónir króna.

• 2 blogg um fréttina

Bloggað um fréttina

• Sigurður Haraldsson: Járnadralsl!
• Bergljót Gunnarsdóttir: Ríkidæmi eða fátækt í Kína