Setti rottu í brauð og laug upp á bakara

Suður-kóreskur bakari var í morgun dæmdur til 18 mánaða fangelsisvistar eftir að hann laug því upp á keppinaut sinn að rotta hefði fundist í brauði frá honum.

Bakarinn setti rottu í brauðhleif, tók síðan mynd af herlegheitunum og setti myndina á vinsæla vefsíðu þar sem hann sagðist hafa keypt brauðið hjá öðrum bakara. Hann notaði dulnefni á vefsíðunni, en þegar farið var að skoða málið komst fljótt upp um hann.

Hann viðurkenndi sekt sína og sagðist hafa gert þetta í þeim tilgangi að eyðileggja orðspor keppinautar síns.

• 1 blogg um fréttina

Bloggað um fréttina

• Ómar Ragnarsson: Þegar bakarinn bakaði vandræði.