Gleymdist að fjarlægja hnéð

Bandarískur höfundur segist nú hafa fundið sannanir fyrir því, að fræg mynd af ungum Barack Obama sitjandi á bekk á milli afa síns og ömmu í New York, sé fölsuð. Á upprunalegu myndinni sitji gömlu hjónin nefnilega ein á bekknum en Obama sé hvergi sjáanlegur.

Höfundurinn, Jack Cashill, sem er kunnur samsæriskenningasmiður, gefur til kynna í grein á vefnum WorldNetDaily í gær að upprunalega myndin, sem hann segist hafa fundið á vefnum youtube.com, sýni að frásögn Obama af dvöl sinni í New York á árunum 1981 og 1982 sé tilbúningur og í raun hafi Obama dvalið í Pakistan þegar myndin var tekin.

En vefurinn Media Matters, sem fjallar um fjölmiðla, skoðaði sannair Cashills nánar í gær og benti á, að á myndinni mætti enn sjá hné Obamas á milli afans og ömmunnar. Því hafi þeim, sem breyttu myndinni, ekki tekist að fjarlægja forsetann allan.  

• 3 blogg um fréttina

Bloggað um fréttina

• Ómar Ragnarsson: Ferðalög lúðrasveitarinnar.
• Sigurður Haraldsson: Sjáið hendina!
• Viggó Jörgensson: Rasistar bulla.