Nakin í hnapphelduna

Austurrísku turtildúfurnar Melanie og Rene Schachner langaði að gera brúðkaup sitt eftirminnilegt og létu fyrir vikið eftir sér að standa kviknakin frammi fyrir prestinum að viðstöddu fjölmenni.

„Við erum stolt af líkömum okkar og ég sparaði stórfé á brúðarkjól,“ sagði brúðurin hróðug. Gestum virtist hvergi brugðið, alltént mynduðu þeir parið í bak og fyrir og fliss var í lágmarki.

 Einn gestanna hafði þó orð á því að heppilegt hafi verið að ekki var svalt í veðri.