Mætti með hestinn á spítala

Maðurinn sem reyndi að fara með hestinn sinn inn í lest í Wrexham í Bretlandi í vikunni, hefur einnig mætt með hestinn á spítala. Þá tók hann hestinn með þegar hann brá sér á krá.

Frétt um að maðurinn hefði reynt að kaupa lestarmiða fyrir sig og hestinn vakti mikla athygli, en BBC sagði frá þessu í gær. Maðurinn hefur einnig  mætt með hestinn á sjúkrahúsið í Wrexham. Hann óskaði eftir því að læknir liti á hestinn fyrir sig. Maðurinn var beðinn að yfirgefa sjúkrahúsið.

George Cawley, 62 ára gamall kennari á eftirlaunum, var að fá sér að borða með konunni sinni á krá í Wrexham þegar maður birtist skyndilega inn á kránni með hest í taumi. Hann segir að gestum hafi brugðið við þessa uppákomu. Hesturinn hafi hins vegar verið sallarólegur. Maðurinn var beðinn um að yfirgefa kránna, sem hann gerði án þess að mótmæla.

Ekki hefur verið upplýst hver maðurinn er.

• 1 blogg um fréttina

Bloggað um fréttina

• Ómar Ragnarsson: Fór með hestinn upp á 2. hæð ?