Kynlíf hluti af þjónustunni

Lög­regla Arizona í Banda­ríkj­un­um hef­ur hand­tekið tutt­ugu liðsmenn trú­ar­hreyf­ing­ar sem nefn­ist  „Goddess Temple" fyr­ir að hafa boðið kyn­lífsþjón­ustu á net­inu und­ir því yf­ir­skini að um trú­ar­lega þjón­ustu væri að ræða.

Hafa lög­regluþjón­ar starfað með leynd að verk­efn­inu og á lög­regl­an von á því að fleiri verði hand­tekn­ir vegna máls­ins inn­an tíðar. Rann­sókn máls­ins hef­ur staðið yfir í hálft ár og gerði lög­regla hús­leit á nokkr­um stöðum í Phoen­ix og borg­inni Sedona. Fund­ust gögn um að bæði kon­ur og karl­ar inn­an hreyf­ing­ar­inn­ar stunduðu kyn­lífs­at­hafn­ir gegn fjár­fram­lög­um til henn­ar.

Meðal þeirra hand­teknu er stofn­andi Goddess Temple,Tracy Elise, sem var tal­in hafa rekið svipaða vænd­isþjón­ustu í Seattle árið 2009.

Elise á yfir höfði sér ákæru um vændi, rekst­ur á ólög­legu fyr­ir­tæki og að hafa rekið vænd­is­hús. Seg­ir sak­sókn­ari að það ákvæði fyrstu grein­ar banda­rísku stjórn­ar­skrár­inn­ar um  trúfrelsi nái ekki yfir viðskipti með kyn­líf, sama und­ir hvaða yf­ir­skini það sé veitt.

• 1 blogg um frétt­ina

Bloggað um frétt­ina

• Jó­hann Elías­son: ER EKKI BARA VERIÐ AÐ AÐLAGA SIG AÐ ÞÖRFUM MARKAÐAR­INS?????