Ofbeldi með bollaköku

Kona í Chicago í Bandaríkjunum hefur verið ákærð fyrir heimilisofbeldi en hún er ásökuð um að hafa kastað bollakökum í eiginmann sinn.

Konan sem er sextug er sögð hafa kastað bollakökunum í höfuð mannsins og líkama. Krem var út um allt á manninum þegar lögregla kom á staðinn. Lögreglan segir að konan hafi verið með ágengan og ýtinn tón við sig.

Þetta er ekki í fyrsta sinn sem lögregla er kölluð til á þetta heimilii en eiginmaðurinn hefur verið handtekinn þrisvar vegna ásakana um heimilisofbeldi en kærur gegn honum voru felldar niður.

Konan hefur verið látin laus gegn tryggingu.