Karlar dotta á klósettinu

45% Bandaríkjamanna sofna að minnsta kosti einu sinni í viku annars staðar en í rúminu sínu samkvæmt nýrri könnun sem dýnuframleiðendur þar í landi hafa gert.

Karlar eru líklegri en konur til að dotta annars staðar en í eigin rúmi. Einn af hverjum tíu dottar í vinnu sinni. 7% sofna við messu, 6% í lestum eða rútum og 4% á klósettinu.

„Við erum undrandi á sumum svörum sem við fengum við könnuninni,“ segir talsmaður Better Sleep sem eru samtök dýnuframleiðenda en um 1000 fullorðnir Bandaríkjamenn svöruðu henni. „Einn maður sofnaði upp á húsþaki og annar sofnaði er hann var að taka atvinnuviðtal. Þá var einn kennari sem sofnaði við kennaraborðið fyrir framan nemendur sína.“

Í sömu könnun kom í ljós að sex af hverjum tíu Bandaríkjamönnum dauðlangar að sofna frekar en að stunda kynlíf en nokkrir þátttakendur viðurkenndu að sofna stundum á meðan kynmökum stendur.

• 1 blogg um fréttina

Bloggað um fréttina

• Guðjón Guðvarðarson: Ráðið, að skipta um bólfélaga !